قصة رعب بعنوان الصيف المنحوس قصص بالدارجة

 قصة رعب بعنوان الصيف المنحوس 

الجزء الأول ::

من بعد القراية و تامارة ديالها بحكم كان عندي الباك لخديتو الحمد لله جا الصيف آه الراحة و التبحار مع

العشران و التيتيًز هادشي لكنت داير فبالي و لكن ما غاديش إدوز هاكا. مهم حنا فالصيف عائلة الواليد

كتجمع

عندنا في الدار أو كان كيعجبني هاد الجو بزاف . جاو لعائلة و كاين واحد ولد عمي أنا و ياه معروفين

مساخيط ماكاينش الموصيبا لمدرناهاش بجوج . هو كيعجبو داكشي ديال ما وراء الطبيعة و تحضير

األرواح وكايقرا كتوبا على هادشي و ملي جا و هو فارع ليا راصي بشي طريقة قراها على كيفاش

تحضرهوم ملي قالها ليا خريت عليه بالضحك ولكن أنهجرو فالخر

مهم قرا على شي كتاب على كيفية تحضير خوتنا فالله و شحال ضحكت عليه قلت ليه تاشمن جنون وال

بزيييي هادشي غير تخربيق بين ليا أسي الفقيه و ياريتني ما خرجتها من فمي. لغد ليه فقنا. بكري

دوشنا فطرنا مع الدار و لبسنا الشورتات و أراك لتبحرات مشينا من العشرة ما جينا تال التمنية جينا

عيانين دوشنا و قصينا مع البحر كيجيب الجوع كنا عوالين نخرجو ولكين مع العيا ما بقاش عدنا العضم

الصحيح عالش نوقفو و قررنا نقلبوها بالي في الدار مع ديك العشرة ديال الليل العائلة خرجو و بقيت أنا

و أمين مقصرين بالي بردتو مزيان. شويا بغا يجرب داك شي لي قراه شاف فيا وقاليا ليوم نبين ليك

ههههههه

أنا كون كنت عارف شنو غايوقع كون ما قبلتش والكن الزعاما خيبا بزاف لمهم مشا لحانوت جاب ربعة

ديال الشمعات جاب ورقا و بدا كايزمم شي رموز جاب زالفة و حتها فوق الورقة و دار الشمع فوق الورقة

و تفا الضو و وصاني ال شفت شي حاجة منتخلعش حيت أتخرج علينا و هادشي مافيهش لعب أنا

كنضحك فخاطري و مامسوقش ليه بدا الطقوس ديالو شويا

شوية لباب ديال البيت تحل أنا مازل ما تيقت قلت غي البرد هداك ولكن حسيت بواحد اإلحساس في

شكل زغب ديال إيدي وقف ولكن مابغيتش نبين ألمين بغيت مانبانش خيف. ما حاد الوقت كيدوز و

أمين مازال كيقول شي هدرة في شكل بقيت كنسمع و كانحول نفهم شنو كيقول عآآد فهمت كيقرا القرآن

بالمقلوب هنا و فهاد اللحضة الزالفة بدات كتحرك اه أ خوتي صدق ليه داكشي و بالفعل شي حاجة

أنورمال بدات كترا . أمين مشا بعيد و دوا بين ليا راك هنا هادي هي كلمتو لي قال الزالفة تقلبات و شمعة

ألول مرة كنحس

طفات فهاد اللحضة ألرض دارت بيا حسيت بلي إلى بقيت بارك أنموت و بقوة الخلع ًة

بيها جمعت الجرية و درت داكشي لقالية أمين منديروش هربت تما بدا الضو كيتفا و يشعل و أنا حسيت براسي تهزيت و شي حاجة خبتاتني و بديت كنغيب أخر حاجة بقات في ودني هي صوت ولد عمي

يوسف يوسف فيق فيق من بعد صافي السكآت

فقت الصباح لقيت و أمين حدا راسي هو و الواليدة مسكينة عينيها حمرين بالبكا غمزني يعني ماتقول

والو. جنبي ليييمن عاتيني الصداع أمين عيت لدار و رجعو لقاوني مغيب قاليهوم ناد غي يجيب ما ناكلو

أو غايب عاد الباب أنا ندت صبرت الواليدة و قلت ليها ما تخافي والو غي لعيا و صافي بست ليها على

راسها و قلت ليها فيا جوع أنا بغيت غي نبقا مع أمين و نهدر معاه . سولتو شنو أيوقع دابا و قال ليا

ملي بقيت أنا و ياه بان لي وجهو صفر و لونو مقتوع قلت ليه مالك بال ما تزيد عليا، داكشي ديال البارح

باراكا عليا . جاوبني و الخلعة فعينيه هادشي غي البدية أ يوسف داكشي لوقع ليك البارح شوية من

بزاف داكشي لحضر البارح ما أيتفرقش عليك حينت بحاال تحديتيه من بغيتي تهرب يا إيما أتستا يا إيما

أتنتاحر ملي قال هاد الهضرة كب ليا الما فالركابي ما عرفت ما نقول ليه. عيطات علينا لواليدة باش

نفطرو كولشي جاتو فشكل يوسف ساكت آه حيت كنت ديما ناشط و منشط العائلة ولكين داكشي لشتو

البارح زرع فيا الرعب أما هدرت أمين طيحات مني النص مهم مقديتش ناكول ولكين الواليدة بزات عليا

و مبغيتش نخصر ليها كليت . من بعد نضت ندوش دخلت و طلقت السخون و غمدت عيني و ترخيت

من بغيت نحل عيني والو مي أش هادشي مابقيتش قادر تانتحرك شي قسم و أنا فهاد الحالة شويا بدا

الضو كيشعًل فعيني شوية من تحلو شفت واحد المنضر لي منتمنى تاحد فيكوم إشوفو رجلين ماعز و

البسا إزار بيض و شعر كحل و مشعكك شفت أضهر جمعتها بواحد الجرية من الدوش لبيتي دار ما داو ما

جابو

وصلت لبيتي و مزال الصدمة شاداني من المنضر لي شفت لبست حوايجي و تكيت فبالصتي . من بعد

دخل أمين و عاودت ليه شنو شفت قالي كيفاش تباقي قادر دوي كون كنت فبالصتك كون تصاطيت و

قالي سمح ليا بزاف كون كنت عارف هادشي أيوقع ليك منديروش كاع . قلت ليه بالما تقلبها دراما

أصاحبي وش عارف شنو لحل لهادشي وال دروري غيكون خاصني ندوي مع الواليدة ، قالية صبر سيمانة

اه سيمانة أدوز كاملة كاحلة غنشوف فيها شي حوايج أي واحد كون كان فبالصتي غينتاحر وال غادي

يتستطا معلينا هاد نهار كمل عادي من غير داكشي لشتو فدوش. لغد ليه دار كأنو دايرين شي خارجا

للواليدية غيبقاو شي يومين أنا و أمين قررنا باش تبقوا فالدار باش نشوفو شي حل و داكشي ليطرا

خاالو لينا شي حاجة ديال الفلوس و مشاو أمين عيط ليه عمي باش إمشي إقدي ليه شي غاراد في سيدي بنور. و بقيت بوحدي فالدار أمين

واعدني بلي أيجي لغد ليه فالصباح ههههه قلت ليه غي سير كاين لوناسا. مشيت معاه لمحطة ركب و أنا

راجع للدار مشيت الكورنيش و ريحت كانت شي السبعة ديال الصباح بقيت كانخمم و سهيت شوية برك

حدايا واحد الراجل كبير و اللحية بيضة وجهو باينة فيه أنه مدوزززز بزاف . قالي من قبيلة و أنا هنا ملك

أولدي ساهي قلت ليه ال عاودت ليك موحال غادي تيقني قالي غي عاود مهم رتاحيت ليه و بديت

كنعاود و هي تقول ليا واحد لمرا بسم هللا عليك أ ولدي مالك داوي بوحدك بوحدي تلفت للسيد لقيت غي البرد

لمرا كانت باركا فالكرسي لي فجنبي و شي نص ساعة و أنا داوي بوحدي أوآآه واش بديت كانتسطا و ال

شنو ندت و قصدت الدار و هادشي كان غي البدية

صافي قصدت الدار و لكن قبل مشيت قصيت عاد واحد مول المسمن حدانا مورايا كانو جوج ديال

الرجال كبار داوين على و حد الولد مسكون و أنهم جربو معاه كاع الحلول والو الدري مسكن هبل . أنا من

سمعت هاد الهدرة تسدت ليا الشاهية و بقيت كانقول زعاما ديالي فين و صالتني أنا ليكنت ناوي نضحك

و نشط فهاد الصيف شو فين وصلت واش درت شي دنب نستاهل عليه هادشي . ندت عند السيد خلصتو

بالما ناكول كاع ما كانش عندو مين إدوز و قصدت الدار و كنشم ريحت الحراق حليت الباب ب الزربا و

دخلت الكوزينا ولكن ما كاين والو أواه غي تخيلت زعما و الدخان مين جا ؟؟؟ صافي نسيت هادي و

مشيت لبيتي شعلت البالي و بديت العب و داك الشعور ديال الوناسا و ديال أني ماشي بوحدي مازال ما

فارقني كنسمع تقرقيب فالدار و هادشي كولو مازال كنحاول نقنع راسي بلي غي كنتخيل صوت البوطا

شاعلة و أنا مقادش نود نشوف من بعد داني نعاس ولكن من ضرباتني الفايقة كنت مشلول و من حاليت

عاينيا شفت ختنا لكانت ف الدوش هنا صافي لعقل ديالي وقف و كون ماكنتش مشلول كون ناقزت من

الشرجم ما دواتش معايا و لكن دوك العينين خالوني نعاود نغيب من فقت لقيت راسي جنابي كاع زرقين

و كولي معضوض من جنابي و عنقي كلو مقبوش شفت الساعة لقيتها يااله الستة أواه هادشي كولو و

ليل مازال ماجاش

نضت و لقيتها يااله الستة ديال العشية أواه و من سخرية األقدار أن ديك ليلة تقطع الضو ناري و هادشي

كولو مزال صابر و كانقول دابا يفرجها الله ، مهيم هبت نجيب الشمع من الحانوت و طلعت درت ليكيت و بديت كانسمع للراديو كانت شي التمنية

ديك الساعة سهيييييت و أنا نرجع للواقع على الصوت ديال الدر دار ردددددددددددددخ و أنا سديتو قبل

ماندخل بديت كانقرا بالقرآن و لساني غادي و كيتقال عليا موراها الشمع تفا و بدا التقرقيب فالدار كاملة

و أنا مشا ليا الشوف و حسيت براسي ترفعت و ما قاد تنغوت و واحد الصوت ديال مرا دوا ليا ف ودني

نتا واعر ياك ليوم تخلص ليوم تخلصصصص و حسيت براسي تخبطت مع لرد و عاود تهزيت و تخبطت

شي جوج مرات من بعد صافي غيبت و غانفيق على صوت الفجر غي كمل و عاودت غيبت فقت على

صوت آلدقان كاع مدكدك و حليت لقيتو أمين مع شافني فديك الحالة كاليا معامن ضاربتي أمسخوط

قلت ليه لوناسة لوناسة ههههه دخلنا لدار و مشيت لطوليت حاشاكوم و شفت فالمرايا لقيت حالتي

تشفي العدو نيوفي كاع دم و عيني زرقا غسلت وجهي و رجعت عاد أمين قاليا خصنا نصافرو عند واحد

الفقيه

أمين ملي مشا لسيدي بنور نعتوه الناس لشي فقيه قاتع إديه من إد الرحمان بالعربية تاعرابت مشعويد.

أنا دخلت ندوش و أمين خليتو كقاد فالفطور حيت كنت يومين ما دايق النعمة من رايحنا قلت ليه كفاش

حنا هادشي حضرناه بجوج و أنا لوقع ليا هادشي قاليا بلي راه محصن راسو صافي هنا فهمت . من فطرنا

قصدنا المحطة قطعنا لسيدي بنور و نيت مورا ساعة ركبنا و من الجديدة لسيدي بنور شي ساعة الروب

دازت عليا بحال العام . وصلنا لسيدي بنور و قصدنا واحد البالصة سميتها القرية . غي هديك القرية

عاالم بوحدو دراري مسخين و كلة عشرين ميترو جوج عياالت مداربين و البعالك كاين لي كيدور أ

عريان . و صلنا قدام واحد البراكة غي الشوفة فيها كتقطع النفس دخلنا و لقينا بزاف ذ العياالت سابقينا

آه هل باغا تجوج هالي باغا دير القبول هالي باغا تقف لي بغيت نوصل ليكوم ما تيقوش فالموسطاشات

معلينا جات نوبتنا و دخلت مع الباب لقيت واخد الراجل شارف و حداه لمجامر و البيت كلو دخان ديال

البخور . قالية رايح أيوسف جاوبتو باش عرفتي سميتي قالية لكانو فالدار لبارح قالوها ليا و هادا ماشي

موضوعنا قالية نتوما ما حضرتوش جن عادي نتوما را حضرتو الملكة ديال واحد القبيلة و ملي رآك باقي

بعقلك لدابا رآك مرضي الواليدين . قلت ليه شنو الحل قالي أنا غادي نعطيك شي حجاب إبعدهم عليك 3

أيام و فهاد المدة خاصك تمشي عند واحد السيد للصخيرات و قالية بلي الطريق ما غاتكونش ساهلة

حيت ما أيخايكومش توصلو على خير مهم لحجاب دارو على شكل سنسلة و قالية السيد ديال

الصخيرات غالي شوية غاتخصك 3500 درهم مهم مديت ليه 100 درهم و خرجت مهيم من علقت داكشي رتاحيت شويا و لكن كانو عندي 3 إيام آه ولكن كان خاصنا نمشيو بكري

لصخيرات. شدينا تاكسي باش ترجعو لجديدة و فالطريق عيطات ليا الواليدة آلو يوسف واش نتا الباس

كنت باغي نقوليها ماالباس والو أميمتي جي را تقادري تلقاي ولدك نتاحر و ال هبل جي نشوفك أخر مرة

جي نشم ريحتك أميمتي و لكن شديت فراسي و جاوبتها آلو الواليدة كدايرا الواليدية قاتليا و هللا أولدي

ما مرتاحة لبارح ليل كولو و أنا قلبي مشدود علية واش نتا هو هداك جاني صوتك مبدل قلت ليها والو

الواليدة غي لعيا مهم قاتلي را أنزيدو شي 3 يام هنا و تهال فراسك قلت ليها بسالمة أمي و قطعت عليها قطعت عليها

.

طريق كاملة و أنا كنخمم ف موشكيل لفلوس أنا جامع شي 2000 درهم ديال تدويرة ديال الباك و أمين

500 درهم بقات ألف درهم درت أمالي فالله و نعست شوية فالطاكسي من فقت كنا وصلنا غي وصلنا

لدار عيط أشرف اه خويا و صاحبي تعرفنا من كنا فالتامنة و بقينا كل عام كانجيو بجوج كنا بحال توام

و تا فالباك جا قدامي ألو أداك لحمار ملك تافي تبليفون يومين هادي و أنا كنعيت قلت ليه نتالقاو

فالقهوة ديال ياسمينة و أنعاود ليك من هنا لساعة نتالقاو

مشيت بوحدي عندو و رايحت نتسناه غي جا و شافني فديك الحالة كاع وجهي باينة فيه العصا قالي

مالك ياكما تاني مضارب على ود شي موسطاشة هههه بديت كنعاود ليه من نهار الطقوس تال نهار لفقيه

و قلت ليه خاصاني 1000 درهم قالية الصاحبي واش نتا ساوي عندي غي ألف درهم مهيم دار معايا مع 6

عند الدار و داكشي لكان مع الستة داز عندي بالحديدة ديال باه باسات قاليا هبط و جيب معاك ولد عمك

قاليا الواليد مسافر هو و العائلة شي سيمانة عاد أيجيو تلع المسخوط ديما كدير المصايب غنمشيو

مجموعين للصخيرات و جبد ل 1000 درهم هنا عنقت عشيري حيت الرجولة مواقف تحركنا مع ديك 8

ديال العشية و تفكرت هادرت الفقيه بلي الطريق ما أتكونش ساهلة مع ديك العشرة ديال الليل أشرف بدا كيعيا و قررت نساراحو شي شوية و كان وصاني باش ندير لمازوط و صلت للصطاسيون فيها غير

راجل واحد و دراري ناعسين قلت ليه واحد 200 درهم قالي وخا أيوسف ملي سمعت سميتي حاولت

مانتخلعش قالي أنا لكنت معاك نهار لكورنيش قالي غدا أيكون طويييييل بزاف هههه سمحت فال200

درهم تال الصطاسيون لوخرا و ماقلت لدراري والو مهم وصلت الخمسة فاق أشرف و عاود شد الطريق

شوية 

شوية قالية الفران ما كيشدش و الزمر شاد 120 أواه لموت جاية ماكانصلي ما تالعبة باش غنتالقا مع هللا

و مي مسكينة أنا لكتشوف فيا الضو أنا الدري لعندها جينا تضحكو هجرناه الحديدة غادا و كتزيد

فالكسير تا وصلت ل 160 و مع باصات باقي فيها ليجبد صافي و لينا كانتسناو لموت أخوتي و لكن لكان

مكتب ليك هللا تعيش و كان عمرك طويل ماكاينش شي حاجة لتقدر تقتلك غمضدت عيني و بديت

كانشاهد شويا كنسمع أشرف كيغاوت مغنموتوووووووش لفران رجع و كون ما طريق كانت خاوية كون

جمعونا ف أيزار قلت مع راسي شفت لموت بعينية كانت 8 ديال الصباح و قشعنا لبالكة الصخيرات 80

كلم شي ساعة الروب و نوصلو و الحمد لله و صلنا عند السيد و الحديد غي المقود عند الباب و الدنيا

عامرا هاد السيد ناس كاتعيط ليه من الخاريج و كاتجي معروف بالباراكة ديالو شدينا النوبا شي 4 سوايع

عاد وصلت نوبتي دخلت و هاد السيد رتاحيت ليه ماشي بحال الخور قالية مال ولدي و بديت كنعاود

ليه قالية بلي ملي كتحضر شي حاجة حاجة وحدة لتقدر تفراكوم قلت ليه و شنو لموت اه يتموت نتا يا

يموت هو و هوما كيعيشو كتر منا دونك هادشي أيبقا تابعني تنموت أواه هي صافي أنهبل صبرت تاعيت

ولكن بكيت و فشيت قلبي من بعد قالي كاين و واحد الحل واحد و لكن خطير عليك