لعنة الصنور

 هذه القصة قد لا تلائم الجمهور الناشئ

لمهم انا سميتي ياسين وعندي 29 سنة كنخدم تريسيان ووقت لفراغ او لوقت لي مخدامش كنمشي نصيد الحوت بلقصبة . حيث عزيز عليا الصيد وهيا لهواية المفضلة عندي . كنت ديما كنمشي غير لمناطق لقريبة ل افني بحكم انه معنديش موطور باش نمشي.
وحد لمرة تفقت انا وصحبي كمال نمشو ندوزو وحد 4 ايام ف تاكمبا نصيدو ونخرجو من روتين د لمدينة.
كمال كيخدم بلومبي وحتى هو مبلي بلبحر. وهو عندو موطور كان كيمشي بيه لصيد . وهو لي شد لبركة عند ولد عمتو فتاكمبا بضبط فالرواحل.
دخلات تيكري مشينا فالنهار الثاني تاعها. دينا معانا كلشي لي غيقدنا فديك 4 ايام. وصلنا تغدينا هزينا لمطريال ديالنا ديال الصيادة وهبطنا لمصيد نصيدو شدينا شي اقرشالات قلال وقلنا بليل غنمشو نصيدو على ابلاغ ف فتيسة.
لمهم قرب لمغرب جمعنا لمتريال ديالنا طلعنا لبركة لي خلا لينا ولد عمتو ودرنا دوك اقرشالات لعشا وتعشينا بكري وشدينا طريق لفتيسة.
وصلنا لفتيسة قدينا لمطريال ديالنا ورشينا ل ابلاغ باش ادخل علينا وبدينا مصيدين شي ساعتين كمال شد وحد صنور انا مشديت والو وبديت كنمل ونعاس ولعيا وهلكني.
طلبت من كمال نتحركو وهو كان باقي باغي اصيد حيث شد دك الصنور وكان باقي فيه الحماس اصيد عكسي انا لي مشديت والو.
انا رجعت لور باش ميوصلني لماء وتكيت شويا داتني عيني وسمعت كمال كيعيط عليا
ياسين .. وياسين .. ياسين اجي بزربة
خلعني كيسحاب لي وقع ليه شي حاجة ولا شد شي حوتة كبيرة وبغاني نعاونو.
جيت لعندو مخلوع وقالي شوف شي ضو فكرش هاد صنور
قلت ليه ويلي اصحبي خلعتينا اشمن ضو فكرش صنور واش مطلعها عليا
ضويت على صنور مشفت والو ضو
قلت ليه : فيناهو مشفت والو
قالي : طفي لبيل تاعك وغيبان لك
وفعلا طفيت لبيل وبان لي ضو مبين لخضر وصفر
قلت ليه امكن صارت ستار لايت ( وحد ضو كيديروه فراس د لقصبة باش تبان فليل الا كنتي كتصيد بليل )
قالي نصاوبوه دبا نشوفو اش فكرشو
قلت ليه خلي دكشي حتى لغدا فصباح انا مفيا لي قاد شي حاجة دبا
قالي لا انا جاني لفضول نعرف شنو فكرشو.
صايبو كمال وفتح كرشو ولقا فيه حجرة خضرا بحال دك شكل تاع الاحجار الكريمة كمال فرح بزاف وحتى انا كثر منو وقلنا غنانا الله وغنديرو لباس ومعارفينش واش حياتنا غتقلب راسا على عقب مع مرور الايام.
لمهم جمعنا لمتريال ديالنا وركبنا لموطور غادين لبركة حيث لبركة مبعيداش بزاف من المصيد ولكن عندنا ثقل وطريق وحد شويا دكشي لاش دينا لمطور.
وصلنا لبركة نعسنا ديك ليلة ولكن انا منعست مزيان بت كنحلم بجنون والافاعي ولعقارب كل ساعة كنفيق مخلوع.
صبح لحال فقنا فطرنا ومع دكشي لي وقع لي فليل قلت شي حاجة ماشي حتى لهيه يكما لوليدة مريضة ولا شي حد من مالين دار واقع ليه شي حاجة. تاصلت بيه من بعد ما طلعت فوق وحد جبل شويا نشد ريزو لقيت كلشي دار بخير قلت لحمدلله موقع والو. ملي هبط قالي كمال نهبطو نصيدو قلت ليه غير سير انا منعست والو لبارح قالي حتى انا بت كنحلم بجنون.
ويلي حتى انا بت كنحلم بهم. قلنا بجوجنا فدقة باسم الله الرحمان الرحيم.
هبط كمال اصيد انا بقيت فلبركة شويا جا كمال عامر بدمايات. انا تخلعت ملي شفتو فداك لمنظر قلت ليه مالك قالي زلقت وطحت وحفظني الله ملي رجعت حي. ضرباتني موجة على غفلة وطحت فلحرش جاب الله مجات شي موجة تانية تعاود ليا.
انا تخلعت وشداتني رعدة ومع لخلعة تلفت ملقيت مندير ليه ومعندنا لا دواء لا والو.
شديت وحد زيف كنا دايرين فيه لخبز قسمتو على جوج باش نربطو له على اديه انقص ادم حيث اديه هوما لي تجرحو بزاف وركبتو
ملقيت مندير ليه فكرت فتحميرة ولكن مكانتش بوحدها كانت مخلطة مع لعطرية.
لمهم بقيت معهم حتى حبس الدم والسيد وجهو صفار بعد ما نزف بزاف. قلت ليه غنعيط على شي واحد اجي ادينا من هنا باش امشي لصبيطار حيث منقدر نمشوش فلمطور تاعو وهو فديك لحالة حيث ميقدرش هو اسوك لمطور وانا مكنعرف ليه.
طلعت لريزو باش نهضر مع وحد صحبي عندو طموبيل اغامر معانا حيث طريق هنا صعيبة بزاف. فاش طلعت لقيت ريزو مكاينش طلع لي دم وكنقلب والو وليني مشكيلة هادي.
هبطت لبركة وانا طالع لي دم حيث كمال فيه لموت وانا مقدرت نعاونو ملي شافني فرح فاش رجعت وقلت ليه ملقيت ريزو تبدلو لملامح تاع وجهو ولكن متخافش غنمشي نشوف الا بان ليا شي صياد عندو شي طموبيل نجيبو ادينا. هبط كنمتشى من لبركة حتى قربت لواد اساكا والو ملقيت حتى واحد بغيت نهبط لفم لواد د اساكا ولكن تفكرت بلي مخصنيش نبعد ونتعطل عليه . ضربتها بجرية ومرة مرة كنوقف نستارح. فاش وصلتو زربت عليه باش نعطيه جرعة تاع الامل . كمال غنمشو بلمطور ولي لقيناه فطريق نقولو له دينا ربحة ولا دبحة. قالي انا منقدرش نسوك لمطور فهاد لحالة.
قلت ليه انا غنسوكو بزيز وخا منوصلو حتى لغدا
لبست حوايجي ولبستو هو على حساب لبرد وضورت عليه شراوط على اديه باش ميزيد عليه لبرد.
حيدت لباش لمطور بغيت نديماري حلف دك لمطور الا ديمارا مخليت مدرت معه والو . كمال كيقول ليا وانا كندير والو قلبت ليصانص كلشي فيه والو ياربي سلامة اش هاد لمصيبة وحنا فهاد لخالاوات وخصوصا امرز قليل لكويشطية لي كيكونو فوقت امرز . لحنين لا رحيم.
اش غندير يا ربي قلت ليه دخل لبركة عاونتو باش دخل وبقا متكي وانا غادي جاي ما ربنا ابان لي شي حد ساعة والو . طلعت لريزو نشوف واش رجع ريزو والو بقيت كنمشي ونجي لبركة نطل على كمال لي كيتوجع بلحر وانا كنمشي ونجي بين الريزو ولبركة والو حتى شدني ظلام فلفوق ومهزيتش معايا لبيل هبط على ضو تيلفون لي كان قرب اسالي ليه الشارج شويا كنت غنزلق فوحد لهبطة .وصلت لبركة شعلت شمعة وهزيت لبيل تاعي درتها فراسي لقيت كمال مزير قالي ياسين لمسامحة اخويا كنحس بلموت . خلعني بكلامو قلت ليه لا اصحبي متخاف والو دبا اجي شي حد متخافش انا معك . حسيت بالاحباط والفشل السيد فيه لموت وانا مقدرت ندير ليه والو .
خرجت نحاول نديماري لمطور والو فاش سمعني هو قالي غيكون غير من لبوجي وحتى سكور د لبوجي مجبتوش باش تعرف تبعنا نحس ليوم. قلت ليه معرفت حيث انا مكنفهم فلماطر . بقيت مع لمطور والو مبغاش. بغيت نطلقو مع وحد لهبطة