في قلبي انثى قصص بالدارجة
وئام .. "بنرفزة " يمكن راني كبرت وتزوجت "حطت يدها على فمها ماعرفاتش كيفاش خرجت من فمها ولا وجها بحال مطيشة ضربتها بجرية وحدة لبيت وماتلفتاتش راها بين ما صقر كان كايضحك وريحان كاتبحلق
ريحان .. سمعتي البرهوشة اش قالت ؟!
صقر.. "ضمها من كتفها وتوجهو لباب " قالت الحق ياالا تعطلنا هه ________ " خرجو من الڤيلا وطلعو فلوطو بين ما وئام دفنت راسها فالمخدة وكاتولول ...
وئام .. يا هاد لبقرة اش قولتي هاااء قالت ليك مزوجة بفففف "وقفت ولاحت شعرها ورا ظهرها " اوووه فيا جوع "طلت من سرجم " واخيرا مشاو "ضربت فمها بيدها " هاك افمي يالي غير كايبلز " نزلت لطابق السفلي وتوجهت لمطبخ
توجهات لسباكيتي حطاتها ليها فطبسيل وخدات كاس العصير وجلست باش تاكل اول مابدات حسات بقلبها تهز رترويعة طالعاها ناضت خدات كاس الما وفتحت ثلاجة جاات عينيها على الدلاح خداتو وقطعاتو قطع صغيرة فالطبسيل وجلست تخشي فوجها جااتها لهفة عليه كملت طبسيلها وعمرت ثاني فالجهة ثانية كان صقر وصل لدار ولديه بلاصة سيارة ونزلو منها بزوج شد يدها وتكلم _____
صقر .. عارف ماما لسانها سليط اي كلمة غاتقول مسحيها فيا
ريحان .. "تبسمات " ماتخافش
صقر .. "باس جبينها " الله يكملك بعقلك
توجهو لباب وفتحو بدون مايطرق بما انا سوارت عندو توجهو ديريكت لصالة كان معتز جالس فالكانابي وشاد كتاب فيدو كايقرا فيه وزينب فالطابق العلوي سلمو عليه وجلسو
معتز .. "وجه كلامو لريحان " نهار كبير هدا
ريحان .. الله يكبر بيك اعمي
زينب ..نازلة مع دروج " ولدي
صقر .. "وقف وباس جبينها " ماما كيف بقيتي !
زينب .. "كاتميق ف ريحان " نقولو الحمد لله
ريحان .. ماما زينب اش خبارك
زينب .. "من فوق قلبها " الحمد لله
جلسو مجموعين كايدردشو وزينب كاطلع وتنزل ف ريحان وضاغطة على نفسها دازت بعد ساعة جات لعندهم شافية تعلمهم بلي لغدا وجد اول ما جاات عينها ف عين ريحان نزلتهم بسرعة من الخجل مزال ما نسات الكدبة لي كدبت عليها وجها تلون ________________
شافية .. ل لالة لغدا و واجد
زينب .. "مالك كاتفتفي عليا اش كاين
معتز .. واخا ابنتي بداي تنزليه "شاف فيهم واشار ليهم لغرفة الاكل _______________
___مكان _ اخر_______
طرق لباب ودخل كانت مسطحة فوق السرير اول ما شافتو عتدلت فالجلسة
أوس .. احم كيف بقيتي
امال .. شوية الحمد لله
أوس ..هضرت مع دكتور وطمني على ماماك قال بلي العلاج ماشي مزيان
امال .. "عينيها لمعو من الفرحة " ب بصح
أوس .. ايه بصح يالا نخليك ترتاحي
امال.. بلاتي
أوس .. "تلفت ناحيتها " وي
امال .. "كاتفرك يدها من توتر " ش شكرا
أوس .. علاش ؟!
امال .. هاااء على وقفتك معايا شي لي درتي مع ماما كلمة شكرا قليلة ان شاء الله اول مانخدم غانرد ليك كاع لفلوس لي حطيتي فالعلاج وعد
أوس .. انا ماهامنيش لفلوس او ماكاين لاش تشكريني دابا مزال غاتشكريني من بعد "غمزها وخرج وخلاها كااتحلل فالكلام لي قال _____
عند عمار طول الاسبوع وهو مشكل ولا لحظة وئام فارقت بالو فكل ليلة كايمشي قدام باب الڤيلا دصقر وكايتقابل مع سراجم لعلا وعسى طل من شي سرجم لكن ولا مرة توفق فشوفتها باه نهار على نهار كايفطى كيف شمعة ولمياء كل نهار كاتجي تهلل بحجة باغية تشوف ولدها علم لعساس باش مايبقاش يخليها طوف ناحية الڤيلا اما عند فراس رجع لبرا وبدا يركز ف قرايتو
معتز .. بنتي ماكليتي والو !
ريحان ..شبعت الحمد لله
زينب .. "زلقت ليها لكلمة " على قبل لبيبي "كادور ف عينيها " احم
صقر .. "كايشوف ف زينب وف ريحان " احم ماما انا وبابا غانسافرو اسبوع كاين شي مشكل فمجموعة **** مابغيتش نخلي ريحان بوحدها واخا تبقاي معاها
ريحان .. "ياالا كاتشرب الما وهي توحل ليها " كح....كح....كح......
صقر .. "كايشوف فيها " بشوية حياتي
ريحان .. "كاتشوف فيه وترجع تشوف ف زينب " امتى هاد سفر زعمة ب بلاش قصدت بلاش ماتشقي راسها
زينب .. "بنرفزة " قول ماباغاش نجلس معاك وخرج راسك من باب واسع
ريحان ..لااا لاااا حرام عليك اماما زينب انا ماقصدتش غانكون فرحانة ادا بقيتي معايا "كاتشوف ف صقر وتحلف فيه بعينيها____
زينب .. انا ماعنديش مشكل مدام غير اسبوع كلو على قبل حفيدي "ميقت فيها "
معتز .. "مسح فمو " الحمد لله ___________
__ فاالجهة _ الثانية _____
كان جالس ف غرفتو ودماغو كلو مع وئام فكل مرة كايصبر راسو بلي غاينساها لكن كايبقى غير كلام فكل ما كايبغي ينسى يالا ما كايزيد يغرق هز تيلي ودوز لخط يالا غايقطع وهو يسمع صوتها ....
وئام .. الووو ...الوووو
حسن بالوخز فقلبو قطع الخط ومرر يدو على شعرو بعصبية جبد الگارو شعلو وتوجه لاطيراس كايمي بين ما وئام لاحت تيلي فوق السرير وهزت الساندويش لي وجدت كاتخشي فوجها ___________________________
__ فالجهة _ الاخرى___
معتز .. ايييييه الله يرحمك المنصوري "شاف ف صقر وريحان " عرفتو اجمل ايام حياتي كانت مع باباك اريحان كان نعمة صديق عشنا الهبال فاالشباب ونهار وحلت وغرقت لقيتو ماد ليا يدو ونقدني من الغرق
صقر .."بستفسار " غرقتي !
معتز .. "تنهد " ايييه غرقت ديون وانا كنت يالا بادي سدد كاع ديون لي عليا وعاوني حتى وقفت على رجلي هاد شي لي حنا فيه دابا الفضل كايرجع ليه اول ما هاجرت دنيا لهاتني ونسيت رفيق دربي لي وقف معايا فالحلوة والمرة ونهار فقت من الgلبة وبغيت نشوفو لقيتو ماات "شاف ف ريحان " ماتصوريش شحال فرحت من عرفتك بنتو هذا علاش اصريت تتزوجي نتي وصقر قلت هاكا غانحافظ على بنتو واي حاجة درتها ولا غانديرها فاهي حقك نتي وخوتك
ريحان .."نزلو دموعها من تفكرت باها " الله يرحمو كان ديما كايحكي ليا على صديق فتقدو وكان ديما عندي فضول نعرف شكون هاد صديق
صقر .. "مسح دمعتها " نساو علينا الاحزان هو الله يرحمو غايكون فرحان وحنا مجموعين
زينب .. "عوجت فمها " ايوا راك رديتي دين لي عليك بثاني والمتني
معتز.. "بنرفزة " زينببببب "تنهد " استغفر الله "شاف ف ريحان " الحمد لله لي لقاني بيك على االاقل ضميري رتاح نوعا ما ماتصوريش قداش انا فرحان بيك وبحفيدي لي غايجي لدنيا "باس جبينها "
ريحان .. لهلا يخطيك علينا
صقر ..وانا فين مشيت هااا نستوني
معتز .. ههه انت الخير والبركة
كانت نازلة مع دروج وهي تحس بدنيا مشات وجات بيها علاين وطيح جلست فالدرجة وشادة راسها حتى فاتتها دوخة عاد كملت ورجليها فاشلين عليها شافها عماد بديك الحالة ستغرب توجه ليها وتكلم ......
عماد ‘.. مالك ؟!
وئام .. اوووف دوخة قتلاتني علاين ونطيح وحاسة بسخفة يمكن طونسيو
عماد .. ااه غايكون طونسيو نجيب ليك شي حاجة حلوة
وئام .. لاا لااا هانا وليت لاباس "شافت فيه " غانخرج شوية ونجي تخنقت فدار
عماد .. اوك "تلاح فالكانابي وهز تلكوموند كايتفرج بين ما وئام لاحت شعرها ورا ظهرها وخرجت كان عمار ف سيارتو واقف بعيد على دار شوية اول مالمحها وقفت طاكسي تبعها من لور مسافة طريق كانت فالبحر توجهات لبلاصة خاوية فوق صخر بعيدة على ناس وجلست كاتخمم بين ما عمار نزل من سيارتو ومقابلها من بعيد بعد دقائق لمح شخص غادي فتجاها تبعو بعينيه سد باب سيارة بالخف وتوجه ليه ____
الشخص ..مال زين جالس بوحدو همم
وئام ..الصمت
الشخص .. "جلس حداها وحط يدو على كتفها " اححححح على زين ياكما باغية لوناسة
وئام .. "دفعت يدو " بعد يدك لهيه ونوض تهز من هنا " خزرت فيه "
الشخص ..مال زين معصب و___قبل مايكمل الكلمة جرو عمار من لقرفادة ودفعو حتى تنشر
عمار .. تهز من هنا الوسخ اش قربك ليها
الشخص .. "وقف مارضاش " شكون انت كيفاش تمد يدك "يالا جا يضربو وهو يلوي ليه يدو ودفعو حتى تنشر وتلفت ناحية وئام لي مزال مبلوكية وكاتبحلق ف عينيها ..........
عمار.. "بنرفزة " نوضي تهزي
وئام .. ش شنو كادير هنا "شافت شخص جبد موس وتوجه لعمار غوتات بصوت عالي " عماااااااااااار عندااااااك__قبل مايتلفت ضربو بموس جيهت لكلوى خلاه طايح كاينزف وضربها بجرية طاح عمار على ركابيه من الالم وحط يدو على جنبو توجهات ليه وشداتو من دراعو .
وئام ..هئ...هئ.. عتقوناااا عتقوناااااا هءهءهء
عمار .. "بألم " شششششت م ماتخافيش __ ناض بزز حاول يتمشى لكن ماقدرش دغية ناس لي فالبحر تجوقو عليهم شي كايسولو مالك شي كايتاصل بالإسعاف بين ما وئام علاين وطيح بالخلعة بعد دقائق وصلت الإسعاف نقلوه لسويسي وهي معاه
مسافة طريق كانو فالسويسي دخلوه لمستعجلات كانت عامرة بالبشر شي مضروب شي داير كسيدة شي مريض وبالمصران شي القلب دنيا مخلطة جلست تالفة وسط الكم دالبشار بين ماعمار دخلو لواحد الغرفة وسدو الباب فكرت تاصل بريحان لكن خافت تقولها ترجع لدار وهي شي حاجة داخلها كاتقولها ماتخليهش بوحدو جلست تبكي وتهرنن توجهات ليها واحد لمرا وتكلمت _________
...... راجلك !
وئام ..اه هئ..هئ...
...... الله يابنيتي على من زيناتو شكون ضربو مسكين
وئام .. "و واحد الشمكار هئ..هئ.. واش غايموت ياك غايموت
..... نتي لي غاتموتي بالخلعة يابنيتي ان شاء الله غاينوض ماتخافيش حتى انا ولدي ضربو واحد لكلب لدراعو بالموس ودخلوه يخيطو ليه ولاد لحرام كترو الله ينجينا وينجيك ....المرا كاتهضر وئام الدنيا كادور بيها وكاتحس بصوت لمرا بعيد عليها تواني وجات طايحة فالارض غوتات المرا وتجمعو عليها ناس جاو شي ممرضاات دخلوها لواحد الغرفة وكايعبرو ضغطها فحصها الطبيب وضربو ليها شي برا دقائق وكانت فايقة _____________
وئام .. فين انا " بدات كاتوظح ليها رؤية " عماار عماااار
الممرضة .. عمار لباس عليه نتي لي غاتموتي واقفة هه خاصك تردي لبال لصحتك ولصحة لبيبي
وئام .. ش شن شنو ؟!
الممرضة .. مبروك الالة راك حاملة بشهر
وئام .." بصدمة " شنوووووووووو !!!!!
__فالجهة __ الثانية______
بعد مادردشو رجع صقر وريحان لدار وهو معلوم من غدا يسافر هو ومعتز ويخليو زينب مع ريحان لعلا يتقربو من بعضهم اول مادخلت سولت على وئام خبرها عماد بلي خرجات رجعت تهولت عليها فينما كاتخرج كاتوقع شي كارتة هزت تيلي وتاصلت كذا مرة يالا غاتقطع وهي ترد عليها .
ريحان .. بلهفة " فينك !
وئام .. هانا جاية .
ريحان ..هي دابا نيت
وئام .. "بنرفزة " قلت ليك هانا جاية ___قطعت عليها وتوجهت لطبيب ......
كيف بقى ؟!
الدكتور .. خيطنا ليه الجرح الحمد لله ماتقاصتش ليه الكلوى غير جرح سطحي لاباس عليه
وئام .."وقفاتو " يقدر يخرج دابا
الدكتور ..وي ماكاين لاش يبقى ___كمل طريقو وخلاها وراه خدات نفس عميق ودخلت لعندو كانت الممرضة كاتعاونو يلبس قميجتو واخا عامرة دم توجهات ليها وتكلمت.
وئام .. غير خليك انا غانعاونو
الممرضة .."كاضحك " نتي غير رتاحي وريحي البيبي شوف سبحان الله جيتو على قبل الجرح صدقتو عرفتو خبر الحمل
عمار .. "وسع عينيه " الحمل !!
الممرضة ..ايييه المدام حاملة يتربى ف عزكم ان شاء الله ههه
وئام .. "شدت راسها وكاتخنزر فيها ورجعت شافت ف عمار " انا خاصني نمشي ____ يالا غاتخرج وهو يشدها من يدها
عمار " بلاتي
كانت واقفة كاطل من البالكو وكاتشوف ف أوس كايعوم فالبيسين ومعاه واحد خيتي لابسة دو بياس وكاتملس فيه رجعات ريدو بزعف ورجعت لسرير وكاتنكر
امال .. هممم ق**** دلخلا كترو خاصهم غير فين لصقو ____ بقات غادية جاية وكاتعض ظفارها من الفقصة رجعت طلت عليه هاد لمرة وسعت عينيها على الاخر وحلت فمها
امال .. "بنرفزة " شوف ليك بنت القاف كاتمصمص فيه لاااا هاد شي بزاف "يالا غاتخرج من الغرفة وهي تحبس " اصلا انا مالي " رجعت شدت راسها " مالي ونص قالك هااااء " خرجات من الغرفة ونزلت لطابق سفلي وتوجهت لجردة وقفت عليهم وكاتشوف فيه كان كايشوف فيها بنص عين توجهات لكرسي جراتو وجلست ______________________
امال .. "كاتنشش " اووووه الحرارة اليوم ولهيلا الموت دصهد " كاتميق فيهم
..... "كاطلعها وتنزلها " بب شكون هادي !
أوس .. "بخبث "هادي المرافقة دمي
.....هاااء وشنو كادير هنا "كاتميق فيها
أوس .. عادي بب خليك منها "جرها وغطسو لداخل وخلا امال غاتاكل جنابها __________
___فالجهة __ الثانية______
كانو جالسين داخل سيارة وكل واحد فيهم كايخمم فهاد لحريرة شافت فيه وتكلمت .
وئام ..اكيد غاتستغل الحمل وترجع تلوي ليا يدي ماشي غريب عليك
عمار .. الصمت
وئام .. شنو غانديرو انا مابغيتش هاد لبيبي
عمار .. "خنزر فيها " ماتحاوليش تأديه ادا نتي مابغاهش انا سي بغيتو
وئام .. "كاتفرك يدها من توتر " ختي الى عرفات غاتمشي فيها تم انا ما بغياهش
عمار ..شنو دخل ختك هااا ؟! كانظن رانا مزوجين وقلت ليك انا باغيه "مرر يدو على دقنو وتكلم " انا غانوصلك لدار ونهضرو من بعد راسي مخربق لكن حسك عينك تحاولي تحيديه ويااااااك "ديمارا سيارة وكايسوق بصعوبة بين ما وئام حطاات راسها على زجاج كاتخمم مسافة طريق كانو قدام باب الڤيلا نزلت من سيارة بلا ماتشوف فيه طرقت لباب بعد مافتح ليها عماد كدمت فيه وزادت
ريحان .. فين كنتي !
وئام .. كنت كاندور
ريحان .. "بشك "اهااا
وئام .. عيانة غانمشي نرتاح ___ طلعت لطابق العلوي وخلات ريحان متبعاها بعينيها شافت ف عماد وتكلمت _____________________
ريحان .. اجي انت شتك وليتي عاطيها غير لتفلية وناسي لقرايا وبلي تابعينك الامتحانات
عماد .. ثاني بانت ليك فيا
ريحان .. "بنرفزة " رجع لهنا اجي راني كانهضر معاك "ضربت اخماس ف اسداس " البرهوش خلاني ‘ومشى هوووف غايحمقوني هاد زوج مافيهاش "طلعت لطابق العلوي ودخلت لغرفة وئام
ريحان ..مالك حالك ماعاجبنيش
وئام .. "بعد تردد " ان انا حاملة
ريحان .. "ضربات حناكها " كيفااااااااااااااش
وئام .. هئ..هئ..ماعرفتش شنو غاندير راسي مخربق كانقول نحيدو ونرجع نقول شنو ذنبو حرت اختي نوريني شنو ندير
ريحان .."حطات يدها على فمها " الله اربي "شافت فيها " الى االاجهاض وياااك "شدت راسها بيدها كولشي ليه الحل اكيد غايكون شي حل "وقفت وبقات غادية جاية
وئام .. ضيعت عام دالقرايا مابغيتش نضيع عام اخر احسن حل هو نحيدو واخا هو هددني مانحيدوش
ريحان .. "رفعت حاجبها " شكون هو !!
وئام .. ع عمار
ريحان .. اشنووووو ! "بنرفزة " فين شفتيه واش باغية تحمقيني هاااا
وئام ..خليني غير نهضر انا ماشفتوش عن قصد كنت جالسة فالبحر وجا واحد خينة كايقجر عليا ماعرفت عمار من خرج جلس يضرب فيه ‘وداك خينا جبد لموس وضربو لجيهة الكلوى داتو االاسعاف لسويسي ومشيت معاه تما فاش ع____قاطعاتها "
ريحان .. الله ياربي هاد شي كلو اصلا اش خرجك واش فينما تخرجي ديري شي كارته لو ماكانش عمار شنو كان غايوقع ليك هاااا ؟! هضري "بصوت عالي " الله ياربي غاتحمقني
وئام .. "بنرفزة " الله يرحم باك ماتغوتيش عليا "تنهدت " بغيت نرتاح
ريحان .. "بتهكم " ايييه اختي جاات معاك انتي لي ترتاحي "خرجت من عندها ورضخت الباب وراها ________________________
__فجهة _ اخرى_____
كانت جالسة فالكرسي ومقابلة معاهم وكاتغدد بين ما أوس مستمتع بنرفزتها وقفات بزعف ورجعات منين جات اول ماغبرت على عينيه دفع ديك خيتي
أوس .. حيدي عليا من هنا
.... بب مالك !
أوس ..لقلا********* تهزي من هنا "طلع من البيسين وهز الفوطة كايمسح بين ما ديك خيتي مصدومة من تقلب ديالو عاد كان مرخي ومستمتع طلب منها تخرج من القصر وتوجه لطابق العلوي دخل ديريكت لحمام خدا شور خفيف ولوا الفوطة على نصو وتوجه لدرسينغ لبس شورط فالازرق قصير وبقى من الفوق عريان خرج لاطيراس كايكمي وامال فبالو فكل ماكايدكر حركتها كايتبسم بين ماهي فغرفتها غاتنفاجر جرات ريديو وطلت بانت ليها ديك خيتي كاتلبس الكسوة فوق المايو وباينة فيها معصبة قلبت على اوس بعينيها مابانش ليها ردت ريدو وتلاحت فوق سرير كاتضحك _____________________
__اليوم _ المواالي ____
فاقت ريحان مبكرة خدات دوش وتوضات وصلت صبح عاد نزلت لكوزينة كاتوجد الفطور بعدها بدقائق فاق صقر خدا هو بدورو دوش وصلى ولبس تيشورط فالبيض مع سروال جينز ازرق وكونڤيغص رد شعرو لور ورش من العطر ديالو عاد لبس ساعتو اليدوية كانت ريحان موجدة ليه شانطة من البارح بليل وفيها كاع لي يحتاج هزها ونزل لتحت حط شانطة فالكولوار وتوجه لمطبخ ضمها من لور وطبع قبلة على خدها
صقر .. "بصوت رجولي " صباح الخير
ريحان .."تبسمت " صباح النور "تلفتت لعندو وطبعت قبلة على شفاهو " كيف صبحتي
صقر ..بخير بشوفتك ونتي "شدها من خصرها وكايشوف ف عينيها "
ريحان .."بخجل " الحمد لله احم ماتخرج حتى تفطر
صقر .. "جر الكرسي وجلس مقابل معاها" يخليلي الخجول روحي ماما غاتجي اليوم اي تصرف منها مسحيه فيا
ريحان .. تلفتت لعندو ورفعت حاجبها " انا هاد سفر المفاجئ مادخلش ليا لراسي شنو تما .
صقر ..هه شنو لي مادخلش ليك نوو حيدي من بالك اي شك هذا سفر كايخص الخدمة
ريحان .."بشك " اهاااااااه
صقر ..وي عمري "شاف فيها " غانتوحشك😉
بعد مافطرو بزوج ودعها وخرج تنهدت وطلعت لطابق الثاني عند وئام طمن عليها لقاتها غارقة ف سابع نومة سدت لباب ونزلت لكوزينة تغسل ماعن لفطور فالجهة الثانية كانت امال فايقة وكاتخمم ف حريرتها وشنو لي مخليها مهتمة بشخص لي من المفترض تكرهو نفضت عليها افكارها وتوجهات لحمام تقضي حاجتها عند زينب اول ما فاقت توجهات لحمام خدات دوش ولبست بينوار بيض وخرجت من الحمام لقات معتز كايجهز نفسو لسفر شاف فيها وتبسم_____________
معتز .. صباح االخير
زينب.. صباح النور
معتز .. كيف صبحتي .
زينب .."كادهن الكريم " الحمد لله "شافت فيه " اخخخ ديك العروبية شحال ولا فيها دالفشوش غير كايدورو برجالة كايتبلدو
معتز .."زفر بعصبية " نتي عمرك تبدلي صقو غير كا___ "رد الكلمة من فمو " استغفر الله العظيم
زينب .. "بستفسار " صقر شنو !
معتز ..غايكون كايتسناني تهلاي فراسك وقيلي عليك البنت شوية "هز شانطة وخرج
زينب .. يشويني فيك انت وياها "عوجت فمها وتوجهت لدرسينغ تلبس حوايجها _________
بعد مالبست فستانها وصايبات شعرها دارت ميك اب خفيف ورشت عطرها وهزات صاكها وخرجت من الڤيلا فتجاه دار ريحان باش تنكد عليها شوية مسافة طريق كانت قدام باب الڤيلا بلاصات سيارة ونزلت كاتمختر
___فالجهة _ الثانية___
بعد ماخدات دوش خفيف لبست كسوة فوق الركبة فالازرق وفيها لي فلوغ بالغوز جمعت شعرها عشوائي وحطت ميك اب خفيف ورشت عطرها عاد نزلت تفطر لقات راضية وأوس كايفطرو غير شافها حل فمو جاتها الكسوة كيوت لكن سرعان ما حنا راسو على الجريدة كايقرا زعمة
امال .. "بمياعة " صباح الخير
راضية .. "تبسمت " صباح النور كي بقيتي شوية !!
امال ..وي الحمد لله وليت بخير شكرا براف على ضيافة وعلى كاع شي لي درتو معايا جا الوقت لي نمشي فيه
أوس ..يالا رتشف من القهوة وهي توحل ليه " كح___كح___كح____
راضية .."حابسة ضحكة" بشوية عليك اولدي "شافت ف امال " وعلاش غاتمشي هانتي معانا حتى تجي ماماك ان شاء الله ماعندك ماديري بوحدك ثم انا كانحتاجك
اامال.. لكن
راضية ..ماكاين بو ولكن لي عندي قولتو
أوس ..مي عندها الحق ماعندك ماديري بوحدك احم قصدت كاتحتاجك "رتابك ‘وهو يوقف " بصحة فطوركم
راضية ..ماكليتي والو اولدي
أوس ..كايشوف ف امال " الحمد لله امي نهاركم مبروك ______خرج من غرفة االاكل بخطوات متسارعة بين ما راضية كانت كاتشوف ف امال وتبسم
زينب .. "كادور عينيها " مال هاد زاج مغبر ويلي ماعندكش دراع
ريحان .. كانمسحو مي كايرجع يتغبر دابا نمسحو
زينب .."ميقات فيها " ايوا لعيالات الحارات ماكايتسناوهش يتغبر ديما كايمسحو شو طلامط كي كشافو اش هاد لحاالة
ريحان .. "وسعت عينيها من كدوبها " كشافووو !! احم اه عندك الحق دابا نبدلهم اماما زينب
زينب .. لغمة كاتريكلي عليا عند بالك انا حمقة
ريحان ..يامتبت العقل ودين "تبسمت " حاشا
زينب .. "جلست وكاتنش " اووووه الحر شعلي الكليمة ونتي كاتسقرمي تقول كاتخلصي ضو من جيبك وجيبي ليا شي حاجة باردة نبرد جوفي شحفتيني على صباح
ريحان .."ضغطت على نفسها " واخا اماما ....توجت لكوزينة وهي كاتغلي عمرت الكاس بعصير لليمون حطاتو فبلاطو صغير ومعاه كاس دلما توجعت ليها
ريحان .. تفضلي
زينب .."هزت العصير وكادور ف عينيها "قولي ديك شايطة دمرات باك كاتجي لهنا !
ريحان ..لاا من شحال مابقيت شفتها
زينب ..تشوف عينها عود ان شاء الله ماشي مشات دور ليا بالراجل الله يغصبها ويقادي عمرها
ريحان .."جلست جنبها " عمي عمرو يشوف فشي وحدة من غيرك وفاطمة الله يسمح ليها هي بعدت على حياتنا ماتحرقيش دمك على حاجة من الماضي حيت نتي الدنيا ومافيها عند عمي وعندنا "دمعو عينيها " بصح ماقدرتش ننسى ولدي لي مشى لكن صدقيني كانحاول بغيت نشوف لقدام عينا بصداع والخلافات تيقي بيا انا مابغياش نحرمك من ولدك صقر ولدك نتي وانا مراتو وكل وحدة فينا ليها مكانة كبيرة عندو انا ماكانحاربكش وعمري نديرها غير نعسي على جنب راحة و___قاطعاتها "
زينب .. "برتباك " جمع راسك من تبوحيط زايدون مابغيتش نهضر فهاد الموضوع سدي عليا هاد سيرة .
ريحان .." تنهدت " لي بان ليك ___توجهات لطابق لكانابي اخر جلست فيه وكاتشوف فيها بين مازينب هزت تيلي وكاتهضر مع شي صحبتها ومرة مرة كاتميق ف ريحان ___
__ المساء___________🌇
كانت جالسة ف بيتها وكاتخمم حتى سمعت شي حاجة ضربت ف سرجم ناضت بخوف فتحاتو وهي تجي عينيها على سيارة د عمار وهو متكي عليها اشار ليها تنزل دغية سدات سرجم وجلست فطرف دسرير رجع ضرب سرجم مرة اخرى خدات نفس عميق وطلت عليه دارت ليه اشار زعمة جاية خرجت من الغرفة بخطوات متسارعة ستغلت وجود ريحان فالمطبخ وخرجت لعندو طلع فسيارة اول ماطلعت ديمارا وخلاها كاتغوت _______
وئام ..وقف فين غادي وقففففف
عمار .. "كايسوق وكايهضر " ششتتتتت من صداع "شاف فيها " خاص نلقاو حل انا ماغانسمحش فولدي معلوم هذا علاش خاص ترجعي
وئام ..عفواااااااا ! نرجع وفين بسلامة هااا !
عمار .. لعندي فين يعني "وقف سيارة " ماتكونيش انانية وتفكري غير فراسك فكري فالبيبي بصح انا غلطت وبزاف وندمت وسبق ليا طلبت سماح ماغانفرضش عليك راسي نوو خليت ليك الحرية لكن دابا القضية فيها بيبي وخاص نفكرو فيه رجعي ووعد ماغانمسكش او نحط عليك يدي فقط تكوني قريبة مني باش نطمن على ولدي وعليك معلوم واول مايتولد ليك كامل الحرية ادا بغتيها تبقاي معايا وغانكون اسعد واحد وادا لا سيري لحال سبيلك وما غانمنعكش باركة على ختك من المشاكل انتي دابا ناضجة خلينا نحلو المشكل بينا فقط اش قولتي ؟!
زينب .. افففف
ريحان .. ماما زينب مالك
زينب .. عندك القنط هنا يالطيف
ريحان.. "حابسة ضحكة" احم واش نديرو
زينب.. نوض نوجد لعشا نشوف فاش نتلها قنطت
ريحان ..راه كايطيب غير رتاحي
زينب.. ايوا نوجد سلاض نبقى شوف فيا نشوف فيك وااااه
ريحان ..معلوم انا نعاونك
زينب ..ربي الى ماعطيني غير تساع ____ "توجهات لمطبخ كاتنgر بين ما ريحان كاضحك من هبالها وكترت شكاويها طلعت لغرفة وئام باش تشوفها وكانت صدمة البيت خاوي شدت راسها بيدها وهضرت
ريحان .. هاد لبنت غاتشللني مافيهاش
__بعد _ مرور _ خمس _ اياااام__-
أوس .. الحنانة كي صبحتي "باس راسها "
راضية .. الحمد لله اولدي وانت !
أوس .."جلس جنبها " الحمد لله اااه اليوم غايجي فهد وغايتعشا معانا
راضية.. االله دارها مزيانة توحشتو نيت علاه امتى جا من فرنسا !
أوس .. البارح
راضية .. وجه لكلب جا البارح ويالا تفكرني "عقدت حجبانها " بالحق ولاد سعيدة كلهم مافيهم ربح
أوس .. "حبس ضحكة" الله يهديك امي اش دار ليك دري جا لبارح عيان ودخل غير على قبلك وصل بليل ومابغاش يصدعك قال حتى ليوما ويجي.
راضية ..هممم باغي تاكل ليا دماغي بزوج كلمات يصدعني علاه انا ماشي جداه ولا وليت برانية يجي عندي بالمواعيد اخخخخ من دنيا ومن هاد جيل
أوس .. "وقف وباس راسها '" مي هاد نهار عندي عامر حتى ليل ونشوفك اااه قولهم يوجدو لعشا وكاع الاكلات لي كايعجبو فهد
راضية .."بنرفزة " دابا انت غاتوريني اش ندير خرج عليا
امال .."نازلة مع دروج " صباح الخير
أوس .. "بصوت رجولي " صباح الخير يالا نهاركم مبروك
راضية ..صباح النور ابنتي ____________
___فالجهة __ الثانية ______
زينب .. الله راسي غاينفجر الله
ريحان ..من سهير بلاتي نجيب ليك دولبران
زينب .. عتقيني راسي غايطرطق
ريحان ..ثواني " طلعت لطابق الثاني وتوجهت لغرفتها خدات منها درلبران ونزلت لمطبخ عمرت كاس دالما دارتو فبلاطو صغير وتوجهت ليها
ريحان .."مدت ليها " بسم الله
زينب.. " لاحتها فمها وتبعتها كاس دالمار" الله علا الله يفوتني
ريحان ..بلاتي غاندير ليك مساج لراس وكوني اكيدة غايريحك "جلست فالكانابي وكاتماصي ليا راسها بطريقة محترفة خلاتها ترخى بين يديها فالطابق االثاني كانت وئام كاتخمم ف البيبي لي جاي و فحياتها كيفاش غاتكون من بعد رجعت كاتفكر ف عمار ولكلام لي قالت ليها _______________
وئام ..باركة على ريحان من المشاكيل ماقديتها انا نديدها بالبيبي اخخخ لازم نلقى حل يرضي جميع الاطراف بصح انا ما باغياش نشوف وجهو مي على قبل ولدي باش يعيش مرتاح "عوجت فمها " علامن كاضحكي اوئام علاامن قالت ليك ماباغياش تشوف وجهو هاااء "شدت راسها بيدها " اخخخ راسي غايتفرق "خدات نفس عميق ووقفت " اليوم غانهي هاد الموضوع " جمعت شعرها عشوائي ونزلت لطابق السفلي لقات ريحان كادير لزينب مساج لراسها لقات سلام وجلست _________
وئام .. سلام عليكم
ريحان / زينب .. وعليكم السلام
وئام .. "كاتفرك صباعها من توتر " ختي بغيت نهضر معاك فواحد الموضوع
ريحان .."كااتماصي وكاتهضر" وي كانسمع
وئام .. احم قررت غانرجع مع عمار "كادور ف عينيها " طبعا على قبل البيبي
ريحان .. "وسعت فيها عينيها " شنوووووووو بلا شك خرج ليك العقل سدي عليا هاد الموضوع بغيتي ترجعي لعندو بوجهك حمر
وئام .."بنرفزة " ريحااااان "غمضت عينها وفتحتهم " ريحان بليز ماتقوليش هاد لكلام عمار تغير وهاد المدة لي كنت عندو كان كايعاملني مزيان وزيدون حنا قررنا نكملو على قبل البيبي زيدون انا مابغيتش نحملك هم ولدي حتى هو و___قاطعاتها_
ريحان .. شكيت عليك هااا واش قلت ليك متقلة عليا انتي ختي صغيرة وانا مسؤولة عليك وولدك ما غايتقلش عليا بالعكس مابغيتكش تكرفضي وضيعي حيااتك مع واحد ما كايستاهلكش
زينب .. "دخلت " انا ماعرفاش شنو هو المشكل واش بغيتو رائي !
ريحان .. معلوم اماما
زينب .. ايوا رائي تخلي ختك ترجع لراجلها وتكبر ولدها بينهم انت مهما غاتعطيها من حب وهتمام عمرك ما غاتقدري تعمري داك الفراغ لي من جيهت بابات البيبي وهذا رائي
ريحان .. "تنهدت " لكن ان___قاطعاتها___
زينب.. انت جربتي تمرمدتي والله سمح لي وصبرتي ونلتي خلي ختك تعيش الدنيا بحلاوتها وبمرها وخليها تبني عشها ومستقلبها خلي داك البيبي يشوف النور بين باه ومو انتي ماغاديش تفرطي فيها غاتطلبي تشوفي راجلها وغاتحطي شروط عاد يقدر ياخدها وغاتبقاي تمشي لعندها طمني معلوم
وئام .. كلام خالتي زينب معقول اش قولتي !
ريحان .. "تنهدت " قلت لاإله الا الله "شافت فيها " تاصلي بيه يجي
وئام ..اوك
__بعد __ ساعات______
بالاصة سيارة وتوجه لباب اول ماصونا فتحت ليه ريحان بعد سلام دخل لداخل اشارت ليه لصالة فين كانت جالسة وئام وكاتفرك صباعها من توتر ____
ريحان .. "اشارت ليه تفضل _____
__مكان _ اخر_____
أوس .."نتر نترة من سيجارة " ماعرفتش شنو لي فيها خلاني مخربق معاها واش جرأتها ولا لسانها سليط لي خاصو يتقطع ولا "سكت ورجع ستأنف كلامو " عينيها لي فيهم مزيج بين الشقاوة والبراءة "مرر يدو على شعرو '' اوووووووف راسي مخربق وافكاري مزبلة
فهد .. اححح اولد عمي طحتي طيحة خايبة😂
أوس .."خزر فيه "اش كاترون بففف باغي وماغيش حرت
فهد .."بجدية " شنو لي باغي وشنو لي لاا !
أوس ..انا براسي ماعارفش
فهد ..لي بان لي انك طحتي ولي عطا الله عطاه خاصك تفاتحها فالموضوع قبل ماضيع من يدك وكيف قولتي قبل البنت زوينة ماشي معقول غاتبقى وحيدة ضرب الحديد ماحدو سخون
أوس .. "بحيرة" زعمة !
فهد .. ما ياخدكش الشك اولد عمي
أوس .."تبسم " اليوم غانفاتحها فالموضوع😉
___مكان_ اخر__________
ريحان ..مابغيتش نهضر فلي فات غانهضر فالحاضر وفلي جاي وئام ماشي غير ختي صغيرة قول بنتي من ماتت ماما الله يرحمها خلاتها صغيرة بزاف وانا لي كبرتها على يدي واي حاجة تمسها غاتمسني الحاجة لى غانطلب منك هي ديرها ف عينيك وحتى حاجة ماتجرحها منك او من عائلتك سو غاتلقاني فوجهك و__قاطعها____
عمار .."كايشوف ف وئام "وئام ف قلبي قبل عيني واي حاجة غاتجرحها غاتجرحني قبل وعد مني عمرها تنزل دمعة الى ادا كانت دمعة لفرحة وانا عند كلمتي انا مقدر خوفك عليا تيقي بيا وئام عندي بالدنيا ومافيها
ريحان .."تنهدت برتياح" نتمنى "شافت فيها "غانبقى نشوفك ديما وخلي ديما تيلي دياالك شاعل
وئام ..واخا "ضمااتها " حبيبتي انت
#المسااااء___________🌇
فهد ..يالا اصحبي معانا الحاجة غاتفرح
سعد.. "شاف فاالساعة " القضية فيها الحاجة غانمشي هه
أوس .. يالا تعطلنا "___ كل واحد فيهم طلع فسيارتو وديماراو ف تجاه القصر داخل غرفتها كانت جالسة فالبالكو ونسمات الهوى كاتحرك خصلات شعرها يالا غاتدخل وهي تلمح سيارات بثلاتة وسيارة أوس فالمقدمة قلبها ولا يرقص سامبا وفنس الوقت كاتقول مع راسها شكون السيارة ثالته نفضت افكارها وتوجهات لبلاكار خدات كسوة فوق الركبة فالكحل ودراعها عريانين وهزت شعرها على شكل كعكعة وحطت ميك اب خفيف واخيرا رشت بارفان ونزلت كاتمختر مع دروج كان جالسين فالصالة وكايضحكو اول ما لمحوها ضربوها بسقلة خصوصا سعد لي عينيه خرجو عليا أوس علاين وينفاجر عرفت بلي اثرت على ضيف ثاني توجهات ليهم والابتسامة على شفاها جلست جنب راضية بعد مالقات سلام
امال .. سلام عليكم
الكل ماعاد أوس / وعليكم السلام
سعد .. الحاجة عرفينا على الانسة
أوس .."بصوت رجولي " هادي الخدامة "تكلم من تحت سنانو وهو فقمة غضبو وتعمد يجرحها كانو كايقول هذا مكانك ماتجاوزيش حدودك حست بالغصة فحلقها زيرت على يدها وتبسمت "
امال.. "موجة كلامها لسعد " احم انا امال مرافقة مدام راضية
سعد ..متشرف الالة امال وانا سعد المرنيسي "عتدل فالجلسة وجلس يتفلعص " رجل اعمال وصديق أوس وفنفس الوقت شريكو
امال ..مزيان الله يوفقك
فهد .. وانا فهد ولد عم أوس
امال .. متشرفة
فهد ..شرف ليا
راضية ..سيادنا يالا نتعشاو ولا مزال ماجعتو!
سعد .. نوو مزال الحال هاحنا جالسين "كايشوف ف امال بنظرات ختارقوها أوس علاين وينفجر شاف ف راضية وتكلم "
أوس .. الحاجة هذا وقت العشا انا ودراري مزال غانخرجو "وقف وتوجه لصالة مونجي باغي هاد لعشا دلويل يسالي دغية لحقو عليه بين ما امال توجهت لمطبخ تعلم الخدامة تنزل لعشا من بعد رجعت وبدات كادردش مع سعد جكارة ف اوس لي ولا على الاخر__________
__فالجهة _ الثانية_____
اول ما مشات وئام مع عمار جلست ريحان مخربقة ومتخبطة كلام عمار ماريحاش 100% مزال خايفة على ختها وما مأمناش ليه شافت فيها زينب وتكلمت ___
زينب .. حاسة بيك مامرتحاش
ريحان ..والو قلبي مامهننيش
زينب ..شحال عندها دابا؟!
ريحان ..18 عام
زينب.. هاااااء قدها انا راني مزوجة وهازة صقر فكرشي ويلي على مامهناش من جيهتها ماتزديش فيه
ريحان .. زواحك انت وعمي غير زواجها هي وعمار فرق كبير
زينب ..اجي وزواجك نتي وصقر كيف كان همم! "لوات فمها " صحيح غلطت الله يسمح لي لكن من خوفي على ولدي الله يسمح لي ولكن اليوم كيف هو زواجكم فرق كبير وحتى ان شاء الله وانا كانعرف عائلة بن جلون شخصيا الله يعمرها دار وسمعتهم طيبة ماعندك مناش تخافي رتاحي
ريحان .."بحيرة " زعمة
زينب .. "بتأكيد " "ياخدكش شك فهادي
___فالجهة _ الثانية_______
بعد العشا خرجو لجردة جلسو مجموعين كايدردشو خصوصا امال ندامجات مع سعد واخا بالها كلو مع اوس الى انا عطات لسعد وقت كتير غير باش تشوف ردت أوس لي بينها فالاخر شاف فيهم وتكلم
أوس ..سعد شفتك نسيتي راسك
سعد .. مزال لحال زائد خلينا سهرانين غير هنا مع لحباب 😉
راضية .."بدات كاتحس بحفيدها غايطرطق " ايوا لاواه سهرو برا حنا نيت غانعسو ياك امال
امال .. هاااااه ااه اه
فهد .."وقف " سيادنا خليناكم على خير "باس راس جداه" الميمة غانرجع غدا ان شاء الله تهلاي ليا فراسك
راضية ..ربي يتهلا اولدي تصبحو على خير__
خرجو بثلاتة وخلاو وراهم امال متبعاهم بالعين وحاسة بالفرحة من الداخل اول ماغابو على عينها تكلمت ......
امال .. مدام راضية شنو نقرا ليك اليوم
راضية.. اخخخ منك اخخخخ "ضحكت " يالا حتى نطلعو لفوق ونشوف هه
___بعد __ ساعتين_____
اول مانعست راضية نزلت امال لجردة ‘ولايحة شال على كتافها وكاتشوف فنجوم ثواني وستنشقت ريحة عطرو وتغلغلت داخلها تلفتت بسرعة وجات عينها ف عينيه كان واقف وعينيه حمرين وازرار القميجة مفتوحين من الفوق جرها من المرفق ديالها بقوة وتكلم ___
أوس ..شنو كاتحاولي ديري هممم !!
امال .."بألم " امممم ااااه مالك واش خرج ليك العقل
أوس ..."ريحت شراب كاتفوح منو " اييه من نهار شفتك وهو خارج ليا واش باغية تخرجيني على طوعي هممم ؟!
امال .. "بستعباط " مافهمتش "كاتسبل ف عويناتها " م مافهتش
أوس .."طلق يدها " ماشي مهم تفهمي المهم هو دخلي لهاد راس "حط صبعو على جبينها " بلي انت ملكي كاتسمعي ملكيييييييي وماعندكش الحق تهضري مع حتى مخلوق الهوى لي كاتستنشقي خاص يكون بإدني اوكي
امال .."بنرفزة " نو اوكي وهاد لهضرة دلكيلو سير كولها انا ما ملك حد ملك راسي
أوس .."خشى صباعو وسط شعرها وزير عليها " ماتجهليش دين مي بغيتي ولا كرهتي انت ملكي "سرح ف عينيها وتكلم بصوت خافت " كلك ليا "حط شفاهو على شفاها وبعثر قبولات خفاف عليهم ثواني وزاد فالوتيرة زير عليها اكتر واكتر وغرق ف شفاها كايمص ويجر ترفعات لعاالم اخر وندامجات معاه دقائق عاد وعات شنو كادير ستجمعات قواها ودفعاتو
امال .."كاتنهج" ماترقبش ليا مرة اخرى " عطاتو بظهر ومشات كاتجري فتجاه الطابق الثاني وخلاتو واراه جاهل لاح الڤيست فالارض وتبعها بعينيه _________________
__اليوم _ الموالي____🏜
طول ليل ماغمض ليها جفن وكل مرة تمرر صباعها على شفاها وتبسم تنهدت وناضت بتتاقل فتجاه الحمام وراسها غاينفجر من سهر قضات روتينها ورجعت لسرير هزت تيلي وتاصلت بالدكتور لي مشرف على حالة رحمة طمنها عليها وخبرها بأخر المستجدات فرحات بتحسن حالتها قطعت الخط ونزلت لطابق السفلي كلها نشاط
___بعد _ مرور _ سبعة _ اشهر___
كانت واقفة فالمطبخ كاتوجد العشا فجأة حسات بالألم كايعصر رحمها والما دايز بين رجليها لاحت الموس من يدها وحطت يدها اسفل بطنها وكاتغوت توجه صقر لمطبخ كايجري غير شافها فديك لحالة تلف ____
صقر .."بخوف " ريحان مالك
ريحان .."بألم " لوجعععععع كانولد اصقر اااااه هئ...هئ...
.."صبري اروحي "غادي جاي تالف حتى غوتت عاد جمع راسو
ريحان ..ماشي وقت تلفة دابا ااااااااه ااااي
صقر .."هزها بين دراعو وتوجه لبرا " غير صبري اااخخخ مالقيتي امتى تولدي غير فهاد ليل
ريحان .."كشرات " شنووووو
صقر .."توجه لسيارة " والو والو اخخخ شحال متشوق نشوف الخنفوش
ريحان ..خنفوشة "شدت كرشها "اااااااااااااااااه اياااا يماا ياا يماااا كانموت
صقر .."طلعو فسيارتو ديمارا فتجاه المصحة" كلها دقائق وتولدي خاص نتاصل بماما تجيب لحوايج ____________
__فالجهة _ الثانية________
كان واقف كايتسناها تكمل وهو على اعصابو بين ماهي كانت حاطة كل تركيزها على عينيها كاتجبدهم بالإلينر
عمار ..اووووه تعطلنا طلقي راسك
وئام .. صبررررر واااه
عمار ..ساعة باش لبستي وساعة باش تقادي وجهك زائد قلت ليك بلاش من ديك تجليطة انت زوينة بلا ميك اب
وئام .."تبسمت " عارفة بب "ضحكت بدلع " ههه
عمار ..او هوووه "شد يدها وجدبها لعندو " وهذا لي كايعجبني فعمري واتقة من نفسها " خدا قبلة من فمها
وئام .."رجعت كاتماكي " خسرتي لي لكعر اوووف
عمار ..يالااا يالاااا تعطلنا _____________
__مكان _ اخر ______
مسافة طريق كانو فالمصحة اول مادخلوها لمكان لولادة تاصل بزينب ومعتز وعلمهم يدوزو لدارهم ويجيبو الحوايج ليها ولبيبي بقى غادي جاي على اعصابو بعد عدة دقائق خرجت عندو الدكتورة والإبتسامة على شفاها
الدكتورة ..مبروك تزادت عندكم بنوتة ماشاء الله عليها وصحتها مزيانة
صقر. ."بفرح " بنت بنت ههه "بلهفة " وريحان بخير ! يعني صحتها مزيانة
الدكتور ..صحتها مزيانة مبروك مرة اخرى
صقر ..شكراا
الدكتورة ..اول ماينقلوهم لغرفة خاصة تقدر تشوفهم
مسافة طريق كان معتز وزينب ف المصحة ومعاهم لحوايج لي غاتحتاح ريحان بعد ماجهزوها نقلوها لغرفة خاصة كانت لابسة بيجامة بسروالها فالغوز بارد ومسطحة فوق السرير وجنها فالكونا البنوتة ملبسينها الإبيض وكاتبان كي شي ملاك نسخة طبق الأصل على ريحان هزها معتز بين دراعو بعد ماسمى الله وادن ليها فودنها طبع قبلة ف جبينها ومدها لزينب لي كانت متلهفة تهزها اول ماحطها فدراعها نزلت دمعة من عينها ___________
زينب ..الله على حبيبة جداها كيف الملاك
صقر .."كايشوف فريحان بحب " شوية دابا
ريحان ..الحمد لله "كاتشوف ف زينب " هااا لمن كاتشبه !؟
زينب ..فالحقيقة غير ليك نسخة طبق الاصل مادات من صقر والو
صقر ..كيفاش مادات مني والو شوفي العينين غير انا ودورة الوجه
معتز ..هههه غاتبداو الحرب لمن كاتشبه
زينب ..هههههههههه
__فالجهة _ الثانية _____
#داخل #كارفور ___
رحمة ..يالا 21:30 هادي
امال .."هازة لورقة وكاتشوف فيها " بلاتي اماما مزال ماكملتش اممم باقي ناقصة البصلةو الفرماج الحمر والكفتة والبطاطة صافي غير ناخدو هادو ونخرجو
رحمة ..يالا بنتي سربي عيت _________ يالا جرت شاريو ومتوجهة لمكان الخضر وهي تخرج ف فاطمة لي كانت مع رجل خمسيني وجارة شاريو بدورها جات عينها على عين رحمة كأن زمن توقف وحدة كاتشوف فوحدة وامال كاتشوف فيهم مافاهمة والو بعد ثواني من صمت تكلمت فاطمة
فاطمة .. رحمةةةةةةةةةةة
__ مكان _ اخر _______
اول ماوصل للحفل بلاصة سيارة ونزل هو وئام لي كانت لابسة فستان قصير فالاسود وفيه دونتيل فالصدر وشعرها مموج مطلوق على راحتو مع ميك اب مواتي ملامحها شابك صباعو مع صباعها ودخلو للداخل تحت انظار االكل توجه لداخل بخطوات تابتة ويدو فيدها
مدام سعيدة .."صافحات عمار " نهار كبير هذا من شرفتينا بحضورك
عمار ..شكرا
مدام سعيدة ..بلاشك هادي المدام
عمار .."تبسم " تماماا
مدام سعيدة .."سلمت عليها " غزالة ماشاء الله
وئام .."بخجل " شكرااا
مدام سعيدة ..تفضلو " اشارت ليهم "
___فجهة _ اخرى_______
صقر.. نتاصل بوئام
ريحان ..لا حتى لصباح ان شاء الله ليلة معروضة لشي حفل بلا مانخسرو ليهم سهرتهم
صقر ..اوك
رحمة .."بحسرة " عاش من شافك
فاطمة .. سنين وانت فبالي الحمد لله من شفتك
رحمة ..زعمة اصاحبتي يالي كنت حاسباها صحبتي كنتي موحشاني
فاطمة ..نساي لماضي حنا ولاد اليوم
رحمة ننسى ؟! قولتي ننسى اش غاننسى ننسى غدرك وخيانتك راجل لي بغيت تلويتي عليه وانت كنتي عارفاني حبلت منو ومع ذلك دخلتي كيف سوسة بينا وخلتيه ينكر كبدتو
فاطمة .."حست بالإحتقار وكاتشوف ف تجاه امال لي كانت واقفة كاتقدا وقريبة منهم شوية لكن حاطة كل تركيزها على تقدية " هاديك هي بنتك !
رحمة ..ايه بنتي بنتي لي حرمتيها من باها ومن جو العائلة
فاطمة ..محمد مات من شحال هدا
رحمة ..الله يحرق عظامو ولهلا يرحمو
فاطمة ..خلينا ننساو بغيتي تنساي نساي مابغتيش انت حرة مي غاندير لي عليا بنتك خاص تعرف خوتها ريحان ووئام وعماد
رحمة .. عمري ننسى لي درتي لكن كيف قولتي تعرف خوتها
فاطمة .."جبدت تيلي " عطيني رقمك باش غدا نتاصل بيك
رحمة .."بعد تفكير " سجلي عندك
بعد ماتبادلو الأرقام توجهت رحمة لعند اماال وفاطمة خرجت من كارفور وفكرة ديها ولخرا تردها بعد ماتقدات امال خرجو من كارفور لقات سائق فنتظارها نقلهم لقصر مسافة طريق كانت داخلو توجهت ديريكت لكوزينة وبدات فتوجاد لعشا بين ما رحمة طلعت لبيت فين جالسة بعدهم بدقائق وصل اوس وتوجه ديريكت لكوزينة عارف بلي غاتكون مشغولة بالعشا ضمها من الور وخشى راسو فعنقها
أوس ..عمري
امال .."تلفتت عندو وتبسمت " روحي
أوس ..اش كاتوجدي لينا اليوم همم
امال ..الكفتة وبطاطا بالفرماج كيف داز نهارك
أوس ..خايب بلا بيك "خدا قبلة من فمها " غاناخد دوش وننزل
امال ..اوك عمري _________"طلع لطابق الثاني وخلاها وراه كاتبسم رجعت بيها داكرة قبل اربع اشهر
#فلاااش #باااااك______
أوس ..علاش ماباغياش تفهمي بلي كانغير عليك وماكانستحملش نشوفك كاضحكي او كاتهضري مع شي زا****** دريها فبالك نتي ديالي
امال .."رفعت حاجبها " هااااء قالك كايغير وباشمن صيفة همم ؟ ثم انا ماملك حد ملك راسي
أوس .."جرها من دراعها " ماتخرجنيش على طوعي "كتم اعصابو " امال بليز بلا ماتعدبي راسك وتعدبيني انا عارف بل متأكد بلي كاتحسي بشي حاجة تجاهي كيف ما انا خلينا ننساو لخلافات ونبداو صفحة جديدة صفحة فيها انا ونتي وبس
امال .."ضعفت" ماكدبتيش اه كانحس وكتر من االإحساس لكن بغيت نعرف انا شنو عندك مابغيتش نكون نزوة ودازت من حياتك
أوس .."شد وجها بين يدو " انت حاضري ومستقبلي وحلالي عمري فكرت تكوني نزوة خلينا نداو من هاد لحظة
امال.." كاتشوف فيه بحب " غاطلبني من عند ماما
أوس.. اكيد
امال ..بس مابغيتش لعرس
أوس .."ضحك حتى بانو الغمزات دياالو" غاندير لي بغيتي انتي تأمري وانا نفد
كان مخشي حداها فالسرير وحاط راسو على صدرها فتحت عينيها ببطئ والإبتسامة على شفاها فرحتها اليوم كبيرة حب حياتها وملاكها جنبها بغات تحرك لكن ماهانش عليها تخسر ليه نعاسو بقات على نفس االوضعية بعد دقائق فاقت الملاك كاتبكي بغات ترضع حطت يدها على شعرو وكاتفيق فيه
ريحان ..صقر ..صقررر
ريحان ..فيق بغيت نرضع لبنت
صقر .."بصوت مدعدع بنعاس " صباح االخير
ريحان .."صباح النور " مدها ليا
صقر .."توجه ليها وهزها بين دراعو " حبيبت باباها بغات ترضع "طبع قبلة ف جبينها وحطها فحضن ريحان
صقر ..انا غانمشي نجيب ليها لكوش ولي تحتاح شنو بغيتي فالفطور !؟
ريحان ..لي جبتي
صقر ..اوك دقائق ونكون عندكم "باس ريحان والبيبي عاد خرج فالجهة ثانية كانت رحمة جالسة مع امال فالجردة وفتحت معاها الموضوع
امال ..انا مابغيت نشوف حد
رحمة ..بنتي خاصك تشوفيهم انتي مامقطوعاش من شجرة وخوتك ماعندهم حتى ذنب لي مذنب راه مشى لدار الحق
امال ..على اساس غايكونو باغين يشوفوني
رحمة حنا غانديرو لي علينا وادا مابغاوش غانرجعو ما خاسرين والو
امال .."تنهدت "واخا ونشوف هاد لحريرة لمحرحرة فين غاتخرج
رحمة ..بلاتي نتاصل بديك الغدارة دفاطمة ونعلمها
امال .. اوك ________ " خدات تيلي وتاصلت بيها وعلمتها طلبت تشوفها وتافقو يتلاقاو بعد ماحددو لمكان قطعت معاها وديك ساع فاطمة تاصلت بريحان كان رقم ريحان عندها بعد اصرار ردت عليها ريحان
ريحان ..وي
فاطمة ..بغيت نشوفك عندي لي شي كلام
ريحان ..باشمن وجه غاتشوفي فيا على فعايلك دلويل ثم انا فسبيطار ولدت وحماتي ادا شافتك غاينوض غير صداع
فاطمة ..بغيت نحيد واحد تقليد على رقبتي الامر كايتعلق بختك
ريحان .."بخوف " وئام مالها !!
فاطمة .."ماشي وئام وحدة اخرى
ريحان .."بصدمة "كيفاااااااااااااش
فاطمة ..كيف سمعتي باباك قبل مني كان كايعرف مرا اخرى حبلت منو ونكرها من بعد عاد تزوجني انا وديك المرا ولدت بنت فعمرها 22سنة دابا ادا مهتمة تشوفي ختك نجيبها حتى لهندك
ريحان .."مزال تحت تأتير صدمة " ا اه جبيها انا ف سبيطار ********
فاطمة ..اوك
رجعت فاطمة تاصلت برحمة ودارو فين يتلاقاو مسافة طريق كانو بثلاتة فالمصحة توجهو لإستقبال عطاوهم رقم الغرفة توجهو ديريكت طرق لباب ودخلو كانت ريحان مسطحة فوق السرير اول ماشافتهم عتدلت فالجلسة وعينيها على امال وفشبح لي قريب بينهم
رحمة ..سلام عليكم
ريحان .."مزال كاتشوف ف امال " وعليكم السلام
فاطمة ..على سلامتك
ريحان .. شكرا
رحمة ..بلا شك عارفة علاش جينا
ريحان ..اااه لكن بغيت نعرف اكتر فين كنتي فهاد المدة كلها وعلاش ماقلبتيش على عائلتها
رحمة .. مافكرتش نقلب شي لي دار فيا محمد الله يرحمو خلاني نجفر ونكره سيرتو الله يرحمو ويسمح ليه لولا صدفة لي لقاتني بفاطمة ماكنتش نعرفك او تشوفو بعضكم
ريحان .."كاتشوف ف امال وعينيها مدمعين " ختي
امال.. "ضمتها بقوة " اختي هئ..هئ....
رحمة ..نزلو دموعها " الله يحنن قلوبكم ويجمعكم جمعة خير ان شاء الله والله يسمح لمحمد
وئام .."دخلت كي لعجاجة هي وباتول فين هي الخنفوشة "وقفت حالة فمها ف ريحان وامال لي معانقين وجنبهم رحمة كاتبكي
باتول ..اش واقع!
وئام .."بخوف "ريحاااان
ريحان .."مسحت دموعها" وئام اجي سلمي على ختنا
وئام ..نعااااام ؟!
#تسريع #الاحدااااااااات________
#بعد #اياااام___
ريحان ..بلاتي نبدل ليها الكوشة
صقر ..ناس وصلو وكايتسناونا غير حنا نزلو
ريحان ..صافي ساليت " شافت فيه بلاتي نقاد ليك لبابيو هه "وقفت قدامو كاتقاد ليه والإبتسامة على شفاها خطف قبلة من فمها
صقر ..يخليلي المتول
ريحان .. يالا نزلو قبل لاطلع لينا ماما زينب
"كانت لابشة تكشيطة فالباج مع الفولار ديالها وميك اب خفيف وملبسة لملاك (الاسم لي طلقو عليها ملاك ) تكشيطة فنفس الون جات كاتفتن نزلو لجردة بزوج وملاك بين دراعها كانت جردة عامرة بالأحباب والاصحاب اول ماشافوهم كلشي بدا كايسفق باركو ليهم الحضور زيادة ومن بعد توجهو لطابلة لي كانت طويلة وعامرة بالعائلة ما عادة فاطمة لي حضورها غايخلي زينب تنرفز هذا علاش فضلت ريحان ماتحضرهاش جلست جنب زينب بعد ما مدت ليها ملاك وجلست مجمعة مع امال ووئام وباتول بين ما صقر كان واقف مع عمار وأوس لي خلافهم ولا من الماضي
باتول .."هازة ولدها بين دراعها " ان شاء الله ملاك ل علي وعلي لملاك هاني علمتكم من دابا
زينب ..مانلقاوش حسن منو
ريحان ..ههههه
امال ..شحال عندك من شهر اوئام
وئام ..دابا خمس شهور مزال لحال عليا ههه
رحمة ..الله يفك وحايلك على خير
وئام امين اخالتي
باتول ..احححح شعبي بدا عظامي كايترعدو
امال ..نوضي نحيحو ههه
باتول .."مدت ولدها لريحان " شدي اخالتو شدي
ريحان ..اري هههههه...
#النهاااااية